Riqsinakuy qhapaq tinka tinkuyqa quñunakuspa musuq wawqi paninchikunata chaskinapaq-mi, imaynam kawsayninchikman qina, imayna runachakusqanchikman qina, imaynam qatalli-kusqanchikman qina, ñoqanchikwan kuska kawsananpaqmi.

Kay riqsinakunapaq tinka tinkuyqa achka runapa mañakusqanmi.

Llapallan quñunakuq masinchikunapa makinpin kanan kay qellqasqa llaqi, kunan kamachikuq yanapaqninwan aypukusqankuta.

Tinka tinkuyta qallarinapaqmi, paqo kamachikuy yanapaqninwam sayarinqaku.

Yanapakuqmi nin:
Kay qhapaq tinka tinkuypaq quñunakuymi ruwakuchkan achaka wawqe paninchikuna maña-kusqankupi. Paykunam iñikuy munaqkunapa allin munayninkuta riqsichiwasun. Kaypin ri-manakuspa llaqtapi llamkaykunamanta, imaynam kawsaynikunamanta, allinman muyuyka-chinapaq, sapakamapaq, rumamasinchikpaq, llipinchikpaq.

Yanapakuqmi minkakunqa llapallan rimaykukuq munaqkunata, sayariykuspa ima munasqanta niykunampaq.

Kamachikuqñataq nin:
Ñoqanchik runakunapa nanaynichikuna, manchakuy llakinchikuna, pampachasqam kanqa yachayninchikuna qespeptinqa; mana yachayninchikuna cheqnikuqkunapa makinpi kaptinga.

Allin yachayqa mana awqanakuymanmi apawanchik.
Allin yachayqa kuyanakuymanmi apawanchik.
Allin yachayqa sonqonchik ukupi qatun musquykuna, allimpaq kamachiykuna lloqsimusqanta qaypanakaman apawanchik.

Yanapakuq, hinallataq llapallanku rimaykuyta munaqkunan likaykunku:
Llaqta runaqa allin chaninchasqam kanchik; qollqepa, estadupa, religionpa, imaymana cheqe-risqa wakcha-apu runakunapa qawanpin kanchik.
Umanchikpa unanchasqan musyayninchikqa qawka kanantan munanchik.
Llipinchik mana chiqnikuspa munayniyuq kananchiktam munanchik, llipinchik ima kawsay-man kuska atipaspa.
Achaka achka llaqtamasinchikunapa kasqantan riqsinakunanchik.
Michakunikum pitapas imaraykupas qipanchakuyta.
Michakunikum chiqninakuykunata, sasachakuykunata, apu-waqcha runamasinchik kasqanta, mana sayaynin masi cheqnekuy kasqankunata, imaña runakasqanmanta, religioninmanta, qari utaq warmi kasqankunata; yuyayninchik chinkachiqkunata; mana allin sunqu kamachikuynin-chikunata ruraqta.

Kamachikuq nin:
Chaynanpin, imaynam mana pipa religioninta oqariwachwanchu ñuqanchikpas mañakuniku mana ima musyayninchik, religioninchikmanta mana oqariwanankuta.

Sunqunchikpi llapallan allin kamachikuykunaqa manam yanqa willakuychu; manam taksa-man wischuy yachaychu, manan pisipaychu, manam amiychum, manam chullalla qhapaq wi-raqochakunapa nisqallanchu. Noqanchikpa uku sunqunchimanta lloqsimuq kamachikuymi, unaymanta puñuq rikchariyninchikmi, llaqta runapa munasqan musquyninmi, llaqtapa kusi-kuyninman apawananchikpaqmi.

Yanapakuq: llapallan ñuqanchikwan kaqkuna qellqay llaqita likan:
Llapallanchikmi munanchik kawsayninchik allín kawsayman purinanta, hukllawaspa uman-chikpa musyasqan kamachikuykunata, sonqunchikpa kuyakuyninkunata ruwaspanchik.
Ima pantayninchikunatapas allinman tikraykuspa, pantasqanchikunata reqseykuspa.
Ñoqanchikmi munanchik runamasi kasqanchikta reqsinakuspa kawsakunapaq, mana cheqni-kuy chayawananchikpaq, imayna wayllusqanchikman hina waylluwananchiqpaq.

Kamachikuq:
Musuq kawsaytam qallarisun.
Sunqunchik ukupin maskasun qhapaq wayllunakuy musquyninchikunata, runamasinchikun-apa sunqumpi cheqerichinapaq.

Yanapakuq llapallan ñuqanchikwan kaqkuna qellqay llaqita likaspa:
Kunanmi qallarisun musuq kawsayninchikta. Qallariykusun allinlla qawka kaq kasqanchikta riqsinakuspa, kallpayuq kaskanchikta, kusikuyniyuq kasqanchikta. Chaymantañataqmi, risun ayllumasinchikunakama paykunawan kuska yachasqanchikta cheqerichispa kusikusiylla kaw-sakunanchikpaq, imayna kaypi yachapakusqanchikta.

Kamachikuq:
Llapallaykichikpaq Qawka kawsay, kallpanchik, kusikuyninchik achkanpi kachun.

Yanapakuq:
Hinallataq qampaqpaa, llapallanchikpaq, allin qawka kawsay, kallpay kusikuy achkanpi ka-chun.

(Traducción: Alberto López Alarcón y Juan José García Miranda)